അന്ധവിദ്യാലയ പ്രവേശനം

ഇടുക്കി: ജില്ലയിലെ കുടയത്തൂരിൽ പ്രവർത്തിക്കുന്ന ഗവ. എയ്ഡഡ് ലൂയിബ്രെയിൽ സ്മാരക മാതൃക അന്ധവിദ്യാലയത്തിലേക്ക് ഒന്നുമുതൽ ഏഴുവരെ ക്ലാസുകളിലേക്ക് അഡ്മിഷന് അപേക്ഷ ക്ഷണിച്ചു. അഞ്ചിനും 10നും ഇടക്ക് പ്രായമുള്ള പൂർണമായോ ഭാഗികമായോ കാഴ്ചയില്ലാത്ത കുട്ടികൾക്ക് ഒന്നാംക്ലാസിൽ അഡ്മിഷൻ നൽകും. സാധാരണ സ്കൂളിൽനിന്ന് ടി.സിയുമായി വരുന്ന കാഴ്ചക്കുറവുള്ള കുട്ടികൾക്ക് അവരുടെ ടി.സിയുടെ അടിസ്ഥാനത്തിൽ ഒന്നുമുതൽ ഏഴുവരെ ക്ലാസുകളിൽ പ്രവേശനം നൽകും. കുട്ടികൾക്ക് താമസസൗകര്യം, ഭക്ഷണം, വസ്ത്രം, പഠനോപകരണങ്ങൾ തുടങ്ങിയവ സൗജന്യമായി നൽകും. കൂടാതെ സംഗീതം, ക്രാഫ്റ്റ്, മൊബിലിറ്റി ഒാറിയേൻറഷൻ എന്നിവയിൽ പരിശീലനം നൽകും. രക്ഷിതാക്കൾ വെള്ളക്കടലാസിൽ എഴുതിയ അപേക്ഷ ഹെഡ്മാസ്റ്റർ, ലൂയിബ്രെയിൽ മെമ്മോറിയൽ മോഡൽ സ്കൂൾ ഫോർ ദി ബ്ലൈൻഡ്, കുടയത്തൂർ പി.ഒ, തൊടുപുഴ, ഇടുക്കി വിലാസത്തിൽ അയക്കണം. ഫോൺ: 04862-253472, 9446877095.