മുല്ലപ്പെരിയാർ ഉപസമിതി വ്യാഴാഴ്ച അണക്കെട്ട് സന്ദർശിക്കും

കുമളി: മുല്ലപ്പെരിയാർ ഉപസമിതി വ്യാഴാഴ്ച രാവിലെ അണക്കെട്ട് സന്ദർശിക്കും. ചെയർമാൻ വി. രാജേഷി​െൻറ നേതൃത്വത്തിൽ കേരള, തമിഴ്നാട് പ്രതിനിധികൾ ഉൾപ്പെടുന്ന അഞ്ചംഗ സമിതിയാണ് അണക്കെട്ട് സന്ദർശിക്കുക. കഴിഞ്ഞ മാർച്ച് ആറിനാണ് ഉപസമിതി ഏറ്റവും ഒടുവിൽ അണക്കെട്ട് സന്ദർശിച്ചത്. 113.55 അടിയായിരുന്നു അന്ന് അണക്കെട്ടിലെ ജലനിരപ്പ്. ഇപ്പോൾ 112.40 അടിയാണ്. ജൂൺ മാസത്തോടെ മഴക്കാലം എത്തുന്നതിന് മുന്നോടിയായാണ് ഉപസമിതിയുടെ സന്ദർശനം. പ്രധാന അണക്കെട്ട്, ബേബി ഡാം, സ്പിൽവേ, അണക്കെട്ടി​െൻറ ഗാലറി എന്നിവിടങ്ങളാണ് സന്ദർശിക്കുക.