ജസ്​റ്റിസ്​ കെ.എം. ജോസഫി​െൻറ നിയമനം ആവശ്യപ്പെട്ട്​ ഹരജി

ന്യൂഡൽഹി: ഉത്തരാഖണ്ഡ് ചീഫ് ജസ്റ്റിസ് െക.എം. ജോസഫിനെ സുപ്രീംകോടതി ജഡ്ജിയായി ഉടൻ നിയമിക്കണമെന്നാവശ്യപ്പെട്ട് പൊതുതാൽപര്യ ഹരജി. കൊളീജിയം ശിപാർശ ചെയ്തിട്ടും ജസ്റ്റിസ് െക.എം. ജോസഫിനെ നിയമിക്കാതിരിക്കുന്ന കേന്ദ്ര നീക്കം നിയമവിരുദ്ധവും ഭരണഘടനാ വിരുദ്ധവുമാണെന്ന് ഹരജിയിൽ ആരോപിച്ചു. മഹാരാഷ്ട്ര സൊലാപൂരിലെ റിട്ട. ജില്ല ജഡ്ജി ജി.ഡി. ഇനാംദാറാണ് ഹരജി നൽകിയത്. സീനിയോറിറ്റി നഷ്ടപ്പെടാത്ത രീതിയിൽ ജസ്റ്റിസ് ജോസഫിനെ പരമോന്നത കോടതിയിൽ നിയമിക്കാൻ കേന്ദ്ര സർക്കാറിന് നിർദേശം നൽകണമെന്നും ഹരജിയിൽ ആവശ്യപ്പെട്ടു.