കുരിശുമരണ സ്മരണപുതുക്കി ദുഃഖവെള്ളി ആചരിച്ചു

അടൂർ: യേശുവി​െൻറ കുരിശുമരണ സ്മരണപുതുക്കി ൈക്രസ്തവർ ദുഃഖവെള്ളി ആചരിച്ചു. ഗാഗുൽത്താമലയിലേക്ക് കുരിശുമായി പീഡനങ്ങൾ സഹിച്ച് യേശു നടത്തിയ യാത്രയുടെയും അതിനുശേഷമുള്ള കുരിശുമരണത്തി​െൻറയും ഓർമപുതുക്കിയാണ് ആചരണം നടന്നത്. ദുഃഖവെള്ളിയോടനുബന്ധിച്ച് അടൂരിലും പരിസരപ്രദേശങ്ങളിലുമുള്ള ദേവാലയങ്ങളിൽ പ്രത്യേക പ്രാർഥനകളും തിരുക്കർമങ്ങളും നടന്നു. പീഡാനുഭവ വായന, കുർബാന സ്വീകരണം, കുരിശി​െൻറവഴി, പരിഹാരപ്രദക്ഷിണം, നഗരികാണിക്കൽ വിലാപയാത്ര എന്നിവ നടന്നു. വിവിധ ദേവാലയങ്ങളുടെ നേതൃത്വത്തിൽ കുരിശുമല കയറ്റവും ഉണ്ടായിരുന്നു. മലയാറ്റൂർ, വാഗമൺ കുരിശുമല, തുമ്പച്ചി കുരിശുമല തുടങ്ങിയ തീർഥാടന കേന്ദ്രങ്ങളിലേക്ക് വിശ്വാസികൾ പരിഹാരപ്രദക്ഷിണം നടത്തി. യൂദാശ്ലീഹ തീർഥാടന കേന്ദ്രമായ മരുതിമൂട് സ​െൻറ് ജോർജ് കത്തോലിക്ക ദേവാലയത്തിൽ കുരിശി​െൻറവഴി സ​െൻറ് ജോർജ് കുരിശടി ചുറ്റി പള്ളിയിൽ സമാപിച്ചു. വൈകീട്ട് നഗരികാണിക്കൽ വിലാപയാത്ര പള്ളിയിൽനിന്ന് പുറപ്പെട്ട് മങ്ങാട്ട് എത്തിയശേഷം പള്ളിയിൽ സമാപിച്ചു. ഇടവക വികാരി ഫാ. റോയ് ഫിലിപ് കാർമികത്വം വഹിച്ചു. അടൂർ മാർ സ്ലീവ പള്ളിയിൽ രാവിലെ എട്ടിന് തുടങ്ങിയ കുരിശി​െൻറവഴി സ​െൻറ് ജോൺ ഓഫ് ദ േക്രാസ് പള്ളി വഴി തിരുഹൃദയപള്ളിയിൽ സമാപിച്ചു. അടൂർ കരുവാറ്റ സ​െൻറ് ജോൺസ് ദേവാലയത്തിൽ ഡോ. ജോസഫ് മാർ ദിവന്നാസിയോസ് മെത്രാപ്പോലീത്ത കാർമികത്വം വഹിച്ചു. നൂറുകണക്കിന് വിശ്വാസികൾ വിവിധ പള്ളികളിൽ പ്രാർഥനകളിൽ പങ്കുകൊണ്ടു. ശനിയാഴ്ച രാത്രി എട്ടിന് വിവിധ ദേവാലയങ്ങളിൽ ഈസ്റ്റർ ശുശ്രൂഷ ആരംഭിച്ച് ഞായറാഴ്ച പുലർച്ച സമാപിക്കും.