അച്ചൻകോവിലാറി​െൻറ തീരത്തും ജലക്ഷാമം രൂക്ഷം

പന്തളം: അച്ചൻകോവിലാറി​െൻറ തീരപ്രദേശത്തും ശുദ്ധജലക്ഷാമം രൂക്ഷം. വൻതോതിൽ മണലൂറ്റൽ നടത്തുന്നതിനാൽ ജലനിരപ്പ് താണു. കഴിഞ്ഞവർഷം മാർച്ച് ആരംഭത്തിൽ തന്നെ ടാങ്കർ ലോറികളിൽ പ്രദേശത്ത് നഗരസഭയുടെയും സന്നദ്ധ സംഘടനകളും കുടിവെള്ളവിതരണം നടത്തിയിരുന്നു. ഇൗപ്രദേശത്ത് ജല വകുപ്പി​െൻറ കുടിവെള്ള പദ്ധതികളല്ലാതെ മറ്റൊന്നും നിലവിലില്ല. 2017-18ലെ പ്രത്യേക പദ്ധതിയിൽ കുടിവെള്ള വിതരണത്തിനും അറ്റകുറ്റപ്പണിക്കുമായി ഒരുലക്ഷം രൂപ വകയിരുത്തിയതായി നഗരസഭ കൗൺസിലറായ എം. വിജയകുമാർ പറഞ്ഞു. ചക്കാലവട്ടം, പാലത്തറ മണ്ണിൽപടി എന്നിവടങ്ങളിലെ ജലക്ഷാമം പരിഹരിക്കാൻ പദ്ധതികൾ തയാറാക്കി നഗരസഭക്കും ജലവകുപ്പിനും നൽകിയതായും കൗൺസിലർ പറഞ്ഞു.