ഇലവീഴാപൂഞ്ചിറ പദ്ധതിയില്‍നിന്ന്​ കുടിവെള്ള വിതരണം നടത്തും ^ജോസ് കെ. മാണി എം.പി

ഇലവീഴാപൂഞ്ചിറ പദ്ധതിയില്‍നിന്ന് കുടിവെള്ള വിതരണം നടത്തും -ജോസ് കെ. മാണി എം.പി ഇലവീഴാപൂഞ്ചിറ ഡാം പദ്ധതിയുടെ രണ്ടാം ഘട്ടമായി കുടിവെള്ള വിതരണ പദ്ധതി നടപ്പാക്കുമെന്ന് ജോസ് കെ. മാണി എം.പി. മറിച്ചുള്ള ആരോപണങ്ങള്‍ തെറ്റിദ്ധാരണെകാണ്ടാണ്. റവന്യൂ ഭൂമിയിലാണ് പദ്ധതി നടപ്പാക്കിയിരിക്കുന്നത്. അതിനാൽ ഈ ജലസേചന കേന്ദ്രങ്ങള്‍ പണി പൂര്‍ത്തിയാക്കി കലക്ടർക്ക് കൈമാറിയിരിക്കുകയാണ്. ഇറിഗേഷൻ വകുപ്പും വാട്ടര്‍ അതോറിറ്റിയും മറ്റു നടപടികള്‍ തീര്‍ക്കുന്ന മുറക്ക് ജലവിതരണം നടത്താൻ കഴിയും. ഇതിന് തടസ്സങ്ങളൊന്നുമില്ല. മറ്റ് ആരോപണങ്ങൾ രാഷ്ട്രീയ ലക്ഷ്യങ്ങളോടെയാണ്. ജനങ്ങളെ തെറ്റിദ്ധരിപ്പിക്കാന്‍ ചിലര്‍ ശ്രമിക്കുകയാണ്. ട്രീറ്റ്‌മ​െൻറ് പ്ലാൻറുകൾ അടക്കമുള്ള സൗകര്യവും ഇവിടെ ഒരുക്കേണ്ടതുണ്ട്. ഇതിനുള്ള ചര്‍ച്ചകള്‍ നടന്നുവരുകയാണെന്നും അദ്ദേഹം പറഞ്ഞു.