ജോർജിയൻ അംബാസഡർ ദേവലോകം അരമന സന്ദർശിച്ചു

കോട്ടയം: ഇന്ത്യയിലെ ജോർജിയൻ അംബാസഡർ അർച്ചിൽ ഡിസ്യൂലിയാഷ്വിലിയും സീനിയർ കൗൺസിലർ നാന ഗപ്രിൻറാഷ്വിലിയും മലങ്കര ഓർത്തഡോക്സ് സഭ ആസ്ഥാനമായ ദേവലോകം കാതോലിക്കേറ്റ് അരമന സന്ദർശിച്ചു. കാതോലിക്ക ബാവായുടെ പ്രതിനിധിയായി എക്യൂമെനിക്കൽ റിലേഷൻസ് കമ്മിറ്റി പ്രസിഡൻറ് സഖറിയ മാർ നിക്കോളാവോസ് മെത്രാപ്പോലീത്ത, ഫാ. തോമസ് പി. സഖറിയ, ഫാ. പി.എ. ഫിലിപ്, ഫാ. അലക്സ് ജോൺ, പ്രഫ. പി.സി. ഏലിയാസ് എന്നിവർ സ്വീകരിച്ചു. തുടർന്ന് അംബാസഡറും പ്രതിനിധികളും അരമന ചാപ്പലിൽ പ്രാർഥനയും നടത്തി.