ബാർ ​േകാഴക്കേസ്​: സ്​പെഷൽ പ്രോസിക്യൂട്ടറുടെ വാദം അടിസ്ഥാനരഹിതം ^കേരള കോൺഗ്രസ്​

ബാർ േകാഴക്കേസ്: സ്പെഷൽ പ്രോസിക്യൂട്ടറുടെ വാദം അടിസ്ഥാനരഹിതം -കേരള കോൺഗ്രസ് കോട്ടയം: ബാർ കോഴക്കേസിൽ തന്നോട് ചോദിക്കാതെ റിപ്പോർട്ട് നൽകിയെന്ന സ്പെഷൽ പ്രോസിക്യൂട്ടർ കെ.പി. സതീഷി​െൻറ വാദം അടിസ്ഥാനരഹിതമാണെന്ന് കേരള കോൺഗ്രസ് -എം സ്റ്റിയറിങ് കമ്മിറ്റി അംഗവും മുൻ എം.എൽ.എയുമായ സ്റ്റീഫൻ ജോർജ്. സുപ്രീംകോടതിയുടെയും ഹൈകോടതിയുടെയും വിധിയിൽ സ്പെഷൽ പ്രോസിക്യൂട്ടറെ കേസ് നടത്താൻവേണ്ടിയാണ് നിയമിക്കുന്നത്. അന്വേഷണത്തിൽ ഇടപെടാനും കേസി​െൻറ ഗതിതിരിക്കാനും അദ്ദേഹത്തിന് അധികാരമില്ലെന്ന് സ്റ്റീഫൻ ജോർജ് വാർത്തസമ്മേളനത്തിൽ പറഞ്ഞു. ഇല്ലാത്ത അധികാരമുണ്ടെന്ന് പരസ്യമായി പറഞ്ഞത് അച്ചടക്കലംഘനമാണ്. സ്പെഷൽ പ്രോസിക്യൂട്ടർക്കെതിരെ സർക്കാർ നിയമനടപടി സ്വീകരിക്കണമെന്നും അദ്ദേഹം ആവശ്യപ്പെട്ടു.