ഉഴവൂർ വിജയ​െൻറ ഭാര്യ ച​ന്ദ്രമണിയമ്മ രാഷ്​ട്രീയത്തിലേക്ക്​

കോട്ടയം: എൻ.സി.പി സംസ്ഥാന പ്രസിഡൻറായിരുന്ന അന്തരിച്ച ഉഴവൂർ വിജയ​െൻറ ഭാര്യ ചന്ദ്രമണിയമ്മ സജീവരാഷ്ട്രീയത്തിലേക്ക്. ഞായറാഴ്ച എൻ.സി.പി ജില്ല ഭാരവാഹികളുടെ തെരഞ്ഞെടുപ്പിൽ ചന്ദ്രമണിയമ്മെയ ജില്ല വൈസ് പ്രസിഡൻറായി തെരഞ്ഞെടുത്തു. ഹൈസ്കൂൾ അധ്യാപികയായിരുന്ന ചന്ദ്രമണിയമ്മ തൊടുപുഴ സ​െൻറ് സെബാസ്റ്റ്യൻസ് ഹൈസ്കൂളിൽനിന്ന് 2016ലാണ് വിരമിച്ചത്. ഭർത്താവ് ഉഴവൂർ വിജയൻ രാഷ്ട്രീയത്തിൽ സജീവ സാന്നിധ്യമായിരുന്നെങ്കിലും ചന്ദ്രമണിയമ്മ രാഷ്ട്രീയത്തിൽ ഇടപെട്ടിരുന്നില്ല. വിജയ​െൻറ മരണശേഷം എൻ.സി.പി പ്രവർത്തകരുടെ നിർബന്ധത്തെ തുടർന്നാണ് രാഷ്ട്രീയ പ്രവേശനത്തിന് കളമൊരുങ്ങിയത്. പാലാ വള്ളിച്ചിറ നെടിയാമറ്റത്തിൽ ഗോപാലൻ നായരുടെയും സരസ്വതിയമ്മയുടെയും മകളാണ്. മക്കൾ: ഡോ. വന്ദന, വർഷ (വിദ്യാർഥിനി). സംസ്ഥാന ജനറൽ സെക്രട്ടറി പി.കെ. ആനന്ദക്കുട്ടനാണ് ചന്ദ്രമണിയമ്മയുടെ പേര് നിർദേശിച്ചത്. സാംജി പഴേപറമ്പിൽ പിന്താങ്ങി. തുടർന്ന് ഐകകണ്ഠ്യേനയാണ് ജില്ലകമ്മിറ്റി തെരഞ്ഞെടുത്തത്.