പൂഞ്ഞാര്‍ ടൗണില്‍ കെട്ടിടം തകര്‍ന്നു

പൂഞ്ഞാർ: തെക്കേക്കരയിൽ ബസ് സ്റ്റാൻഡിന് എതിർവശത്ത് റോഡരികിലുള്ള കെട്ടിടത്തി​െൻറ മേൽക്കൂര തകർന്നു. വെള്ളിയാഴ്ച രാവിലെ 10നാണ് സംഭവം. അഞ്ച് കടമുറിയുള്ള കെട്ടിടത്തി​െൻറ രണ്ട് കടമുറിയാണ് കാലപ്പഴക്കംമൂലം തകർന്നത്. ഇവിടെ കൂൾബാറും ലേഡീസ് സ്റ്റോറും പ്രവർത്തിക്കുകയായിരുന്നു. സംഭവസമയം കടകളിൽ ആളുകളുണ്ടായിരുന്നെങ്കിലും മേൽക്കൂരക്ക് തട്ട് ഉണ്ടായിരുന്നതിനാൽ ദുരന്തം ഒഴിവായി.