വണ്‍ എം.പി വണ്‍ ഐഡിയ ഗ്രാൻഡ്​ ഫിനാലെ

കോട്ടയം: ജോസ്‌ കെ.മാണി എം.പിയുടെ നേതൃത്വത്തില്‍ കോട്ടയം ലോക്‌സഭ മണ്ഡലത്തി​െൻറ സുസ്ഥിര വികസനത്തിന്‌ വഴികാട്ടുന്ന നൂതന പ്രായോഗിക ആശയങ്ങളും കണ്ടുപിടിത്തങ്ങളും കണ്ടെത്തുന്നതിനായി സംഘടിപ്പിച്ച 'വണ്‍ എം.പി-വണ്‍ ഐഡിയ' മത്സരത്തി​െൻറ ഗ്രാൻഡ് ഫിനാലെ നടന്നു. കലക്‌ടര്‍ ഡോ. ബി.എസ്‌. തിരുമേനി, എം.ജി യൂനിവേഴ്‌സിറ്റി പ്രോ-വൈസ്‌ ചാന്‍സലര്‍ ഡോ. സാബു തോമസ്‌, കേരള സ്റ്റാര്‍ട്ടപ് മിഷന്‍ ഡയറക്‌ടര്‍ ടോം തോമസ്‌, ധനവകുപ്പ്‌ ജോയൻറ് സെക്രട്ടറി പ്രദീപ്‌കുമാര്‍, ഡി.സി ബുക്ക്‌ എം.ഡി രവി ഡി.സി, നബാര്‍ഡി​െൻറയും കിലയുടെയും ആരോഗ്യവകുപ്പി​െൻറയും വ്യവസായവകുപ്പി​െൻറയും പ്രതിനിധികള്‍ എന്നിവരടങ്ങിയ സംഘമാണ്‌ വിധിനിര്‍ണയം നടത്തിയത്‌. 500ലധികം എന്‍ട്രികളാണ്‌ മത്സരത്തിനായി ലഭിച്ചത്‌. അതില്‍നിന്ന് പ്രാഥമിക വിദഗ്‌ധ പരിശോധന സംഘം മാര്‍ഗനിര്‍ദേശങ്ങള്‍ അനുസരിച്ച്‌ സമര്‍പ്പിച്ച പദ്ധതികളില്‍ നിന്ന് 99 എണ്ണം തെരഞ്ഞെടുക്കുകയും ചെയ്‌തിരുന്നു. തെരഞ്ഞെടുത്ത നിര്‍ദേശങ്ങള്‍ തുടര്‍നിരീക്ഷണത്തിന്‌ രൂപവത്കരിച്ച വിദഗ്‌ധസമിതി, അപേക്ഷകരെ നേരില്‍കണ്ട്‌ വിലയിരുത്തി. അതില്‍നിന്ന് തെരെഞ്ഞെടുക്കപ്പെട്ട 10 മത്സരാര്‍ഥികളാണ്‌ ഗ്രാൻഡ് ഫിനാെലയില്‍ പങ്കെടുത്തത്‌. ഫലപ്രഖ്യാപനം വൈകാതെ നടത്തും.