മരട്​ അപകടം: അനിൽകുമാർ ആശുപത്രിവിട്ടു; ക​േരാലിെൻറ നില ഗുരുതരം തന്നെ

കൊച്ചി: മരടില്‍ ഡേ കെയര്‍ സ​െൻററി​െൻറ വാന്‍ കുളത്തിലേക്ക് മറിഞ്ഞുണ്ടായ അപകടത്തില്‍ ചികിത്സയിലായിരുന്ന ഡ്രൈവര്‍ അനികുമാര്‍ (45) ആശുപത്രി വിട്ടു. തിങ്കളാഴ്ചയാണ് രണ്ട് കുട്ടികളും ആയയും മരിച്ച അപകടമുണ്ടായത്. 24 മണിക്കൂറിനുശേഷം അനിൽകുമാർ ആരോഗ്യം വീണ്ടെടുത്തു തുടങ്ങിയിരുന്നു. അതേസമയം, പരിക്കേറ്റ കരോലി​െൻറ (അഞ്ച് വയസ്സ്) നില വ​െൻറിലേറ്ററിൽ ഗുരുതരമായി തുടരുകയാണ്. നില അതീവ ഗുരുതരമാണെന്ന് ആശുപത്രി അധികൃതര്‍ പറഞ്ഞു. കഴിഞ്ഞ 48 മണിക്കൂറായി വ​െൻറിലേറ്റര്‍ സഹായത്തോടെയാണ് ജീവന്‍ നിലനിര്‍ത്തുന്നത്. ബുധനാഴ്ച സി.ടി സ്‌കാന്‍ ചെയ്‌തെങ്കിലും ആരോഗ്യത്തില്‍ പുരോഗതിയില്ലെന്നാണ് ഫലങ്ങളെത്തിയത്. ശരീരം പ്രതികരിക്കാതെ മറ്റ് ചികിത്സകള്‍ തുടങ്ങാന്‍ സാധിക്കാത്ത സ്ഥിതിയാണെന്ന് ഡോക്ടര്‍മാര്‍ പറഞ്ഞു. ശ്വാസകോശത്തിൽ ചെളികലർന്ന വെള്ളം നിറഞ്ഞതാണ് നില വഷളാക്കിയത്.