കാർ തകർത്ത കേസിൽ രണ്ട് ആർ.എസ്.എസ് പ്രവർത്തകർ അറസ്​റ്റിൽ

പൊൻകുന്നം: സി.പി.എം വാഴൂർ ഏരിയ കമ്മിറ്റി അംഗം എൻ.കെ. സുധാകര​െൻറ കാർ അടിച്ചുതകർത്ത കേസിൽ രണ്ട് ആർ.എസ്.എസ് പ്രവർത്തകർ അറസ്റ്റിൽ. ചെറുവള്ളി കാവുംഭാഗം ചെറുകാപ്പ കുന്നേൽ അരുൺ (32), കാവുംഭാഗം മരുതുവേലിൽ അർജുൻ രാജ് (23) എന്നിവരാണ് പിടിയിലായത്. വ്യാഴാഴ്ച പുലർച്ച 5.30ഓടെ എൻ.കെ. സുധാകര​െൻറ ചിറക്കടവ് കൈലാത്തുകവലയിലുള്ള ഞള്ളമല വീടി​െൻറ മുറ്റത്ത് കിടന്ന കാർ മൂന്ന് ബൈക്കുകളിലെത്തിയ സംഘം അടിച്ചുതകർക്കുകയായിരുന്നു. ശബ്ദം കേട്ട് സുധാകര​െൻറ ഭാര്യ എഴുന്നേറ്റ് നോക്കുമ്പോൾ ഏതാനും പേർ കാർ തല്ലിത്തകർക്കുന്നതാണ് കാണുന്നത്. വീട്ടുകാർ ഉണർന്നതറിഞ്ഞ് അക്രമികൾ ബൈക്കിൽ രക്ഷപ്പെടുകയായിരുന്നു. സുധാകര​െൻറ പരാതിയിൽ മണിമല എസ്.ഐ പി.എസ്. വിനോദി​െൻറ നേതൃത്വത്തിലുള്ള പൊലീസ് സംഘമാണ് പ്രതികളെ പിടികൂടിയത്. ഇനിയും പ്രതികൾ അറസ്റ്റിലാവാനുണ്ടെന്ന് എസ്.ഐ പറഞ്ഞു. വീടി​െൻറ അടിത്തറയിൽനിന്ന് ചൂടും പുകയും വൈക്കം: വീടി​െൻറ അടിത്തറയിൽനിന്ന് ചൂടും പുകയും ഉയരുന്നു. തലയാഴം ഗ്രാമപഞ്ചായത്തിലെ മാരാംവീട് വട്ടപ്പറമ്പിൽ സേവ്യർകുട്ടിയുടെ വീടി​െൻറ അടിത്തറയിൽനിന്നാണ് വെള്ളിയാഴ്ച ചൂടും പുകയും ഉയർന്നത്. സംഭവം നടന്നയുടൻ വീട്ടുകാർ വൈദ്യുതി വിച്ഛേദിച്ചു. ഇതിനുശേഷവും ചൂടും പുകയും നിലച്ചില്ല. പിന്നീട് ചൂടനുഭവപ്പെട്ട മുറിയുടെ അടിത്തറ വീട്ടുകാർ മാന്തി അടിഭാഗത്തെത്തിയപ്പോൾ വെള്ളം തിളച്ചുമറിയാൻ തുടങ്ങി. സംഭവമറിഞ്ഞ് നിരവധിപേർ എത്തി. വൈകീേട്ടാടെ ഫയർഫോഴ്സുമെത്തി. പിന്നീടാണ് എർത്ത് കമ്പിയിൽ വൈദ്യുതി പ്രവഹിച്ചതാണ് സംഭവത്തിന് കാരണമെന്ന് കണ്ടെത്തിയത്. ഇതോടെയാണ് വീട്ടുകാരുടെയും നാടി​െൻറയും ആശങ്ക മാറിയത്.