ലോട്ടറി നമ്പർ തിരുത്തി സമ്മാനത്തുക തട്ടിയെടുക്കാൻ ശ്രമം; മുളകുപൊടി സ്​പ്രേ ചെയ്​ത്​ യുവാവ്​ രക്ഷപ്പെട്ടു

ചിങ്ങവനം: നമ്പര്‍ തിരുത്തിയ ലോട്ടറി സമ്മാനത്തുക തട്ടിയെടുക്കാന്‍ ശ്രമിച്ച യുവാവിനെ തടഞ്ഞവര്‍ക്കുനേരെ മുളകുപൊടി സ്‌പ്രേ പ്രയോഗം. ഭീകരാന്തരീക്ഷം സൃഷ്ടിച്ച് യുവാവ് ബൈക്കിൽ രക്ഷപ്പെട്ടു. വ്യാഴാഴ്ച വൈകീട്ട് ആറിന് ചിങ്ങവനം ചന്തക്കവലക്ക് സമീപത്തെ ജയലക്ഷ്മി ലക്കി സ​െൻററിലാണ് സംഭവം. യുവാവ് കൊണ്ടുവന്നത് നമ്പര്‍ തിരുത്തിയ ലോട്ടറിയാണെന്ന് തിരിച്ചറിഞ്ഞ കടക്കാരന്‍ സമ്മാനത്തുക കൊടുക്കാൻ തയാറായില്ല. തുടര്‍ന്ന് സമീപത്തെ കടക്കാര്‍ തടഞ്ഞുവെച്ച് പൊലീസിൽ ഏൽപിക്കാൻ ശ്രമിക്കുന്നതിനിടെ യുവാവ് കൈയിൽ കരുതിയ മുളകുപൊടി സ്േപ്ര മുഖത്തടിച്ച് ബൈക്കില്‍ രക്ഷപ്പെടുകയായിരുന്നു. സംഭവത്തെത്തുടര്‍ന്ന് ചിങ്ങവനം െപാലീസ് സ്ഥലത്തെത്തി അന്വേഷണം നടത്തി.