എന്തുപറ്റിയെന്ന്​ അറിയില്ല; മകനെയും മരുമകളെയും തിരിച്ചുതരണം -ഹാഷിമി​െൻറ പിതാവ്​

കോട്ടയം: വീട്ടിൽനിന്ന് ആഹാരം വാങ്ങാൻപോയ മകനും മരുമകൾക്കും എന്തുപറ്റിയെന്ന് അറിയില്ല. നഷ്ടപ്പെട്ട അവരെ തിരിച്ചുകിട്ടാൻ നിങ്ങൾ സഹായിക്കണം-വയോധികൻ അബ്ദുൽ ഖാദറി​െൻറ വാക്കുകൾ ദുഃഖഭാരത്താൽ മുറിഞ്ഞുപോയി. ഒരുവർഷവും രണ്ടുമാസവുമായ അറുപുറ ഒറ്റക്കണ്ടത്തിൽ ഹാഷിം (42), ഭാര്യ ഹബീബ (37) ദമ്പതികളുടെ തിരോധാനത്തെക്കുറിച്ച് സി.ബി.െഎ അന്വേഷണം ആവശ്യപ്പെട്ട് നടത്തിയ വാർത്തസമ്മേളനത്തിലാണ് ഹാഷിമി​െൻറ പിതാവ് അബ്ദുൽഖാദറി​െൻറ വാക്കുകൾ ഇടറിയത്. അവർക്ക് എന്തുസംഭവിച്ചെന്നും എവിടെയാണെന്നുമുള്ള കൊച്ചുമക്കളുടെ നിരന്തരചോദ്യത്തിന് ഇനിയും ഉത്തരം നൽകാനായിട്ടില്ല. ഭാര്യയുടെ മരണത്തിനൊപ്പം മക​െൻറയും മരുമകളുടെയും തിരോധാനം കൂടിയായപ്പോൾ ശാരീരികമായും മാനസികമായും ഏറെ തളർന്നു. അതിെനാപ്പം രോഗങ്ങളും അലട്ടുന്നുണ്ട്. വിഷയം നിയമസഭയിൽ ഉന്നയിക്കണമെന്ന് ആവശ്യപ്പെട്ട് എം.എൽ.എമാരെ സമീപിച്ചിട്ടും ഫലമുണ്ടായില്ല. ഇനി മാധ്യമങ്ങളുടെ ഇടപെടലും സഹായവും കിട്ടിയേ മതിയാകൂവെന്ന് നിറകണ്ണുകളോടെ അദ്ദേഹം കൂട്ടിച്ചേർത്തു.