അഖി​േലന്ത്യ മെഡിക്കൽ പ്രവേശന പരീക്ഷ: തേജസ്​ രാജഗോപാലിന്​ 143ാം റാങ്ക്​

കോട്ടയം: അഖിലേന്ത്യ മെഡിക്കൽ പ്രവേശന പരീക്ഷയിൽ തേജസ് രാജഗോപാലിന് 143ാം റാങ്ക്. കോട്ടയം കോടിമത മഠത്തിൽപറമ്പിൽ ബി. രാജഗോപാലി​െൻറയും കവിതയുടെയും മകനാണ്. സംസ്ഥാനതലത്തിൽ 10ാം റാങ്കുണ്ട്. കോട്ടയം ദർശന അക്കാദമി എൻട്രസ് കോച്ചിങ് സ​െൻറർ വിദ്യാർഥിയാണ്. ഇല്ലിക്കൽ ചിന്മയ വിദ്യാലയത്തിലെ വിദ്യാർഥിയായിരുന്ന തേജസ് എസ്.എസ്.എൽ.സി, പ്ലസ് ടു പരീക്ഷകളിൽ എല്ലാ വിഷയത്തിലും എ പ്ലസ് നേടിയിരുന്നു. പ്ലസ് ടു പരീക്ഷക്കുശേഷം കഴിഞ്ഞതവണ എഴുതിയപ്പോൾ 19,000 റാങ്കിൽ തൃപതിപ്പെടേണ്ടിവന്നു. തുടർന്ന് ദര്‍ശന അക്കാദമിയിലെ പരിശീലനത്തിലൂടെയാണ് വിജയം സ്വന്തമാക്കിയത്. കുമാരനല്ലൂർ പി ആൻഡ് എൻ സിറാമിക്സിലെ മാനേജറാണ് രാജഗോപാൽ. ദുബൈ അൽകിസൈസ് എജുസാൾ േകാച്ചിങ് സ​െൻറിലെ നടത്തിപ്പുകാരിയും കെമിസ്ട്രി അധ്യാപികയുമാണ് മാതാവ് കവിത. മെഡിക്കൽ അനുബന്ധ ബിരുദ കോഴ്സുകളിൽ പ്രവേശനത്തിനുള്ള നീറ്റ് പരീക്ഷയിൽ 720ൽ 648 മാർക്ക് ലഭിച്ചിരുന്നു. കോട്ടയം മെഡിക്കൽ കോളജിൽ ചേർന്ന് എം.ബി.ബി.എസിന് പഠിക്കാനാണ് താൽപര്യമെന്ന് തേജസ് പറഞ്ഞു.