കെവിൻ വധം: രാഷ്​ട്രീയ വിശദീകരണ യോഗവുമായി സി.പി.എം

കോട്ടയം: പ്രണയവിവാഹത്തി​െൻറ പേരിൽ തട്ടിക്കൊണ്ടുപോയ കെവിൻ കൊല്ലപ്പെട്ട സംഭവത്തിൽ സർക്കാറും പൊലീസും പ്രതിക്കൂട്ടിലായിരിക്കെ, രാഷ്ട്രീയ വിശദീകരണ യോഗവുമായി സി.പി.എം. മുഖ്യമന്ത്രിയുടെ സുരക്ഷയുമായി ബന്ധെപ്പട്ടാണ് അന്വേഷണം വൈകിയതെന്നും പ്രതികളുടെ രാഷ്ട്രീയ ബന്ധവും ചൂണ്ടിക്കാട്ടിയുള്ള ആരോപണങ്ങൾക്ക് മറുപടി നൽകാൻ ലക്ഷ്യമിട്ടാണ് യോഗം. കോട്ടയം പഴയ പൊലീസ് സ്റ്റേഷൻ മൈതാനിയിൽ തിങ്കളാഴ്ച വൈകീട്ട് 5.30ന് നടക്കുന്ന രാഷ്ട്രീയ വിശദീകരണ യോഗം പാർട്ടി സംസ്ഥാന സെക്രട്ടറി കോടിയേരി ബാലകൃഷ്ണൻ ഉദ്ഘാടനം ചെയ്യും. കെവി​െൻറ കുടുംബത്തി​െൻറ പാർട്ടി ബന്ധവും സംസ്കാരചടങ്ങിലടക്കമുള്ള പാർട്ടിയുടെ ഇടപെടലും കോടിയേരി വിശദമാക്കും. നിലവിൽ കേസിൽ സ്വീകരിച്ച നടപടികളും അദ്ദേഹം വിശദീകരിക്കും.