മണ്‍തിട്ടയിടിഞ്ഞ് വീട് അപകടാവസ്ഥയിലായി

ഈരാറ്റുപേട്ട: അയല്‍വാസിയുടെ പുരയിടത്തിലെ മണ്ണിടിഞ്ഞ് വാളകം ഇടയപുരയ്ക്കല്‍ ഇ.ഡി. സെബാസ്റ്റ്യ​െൻറ വീട് അപകടാവസ്ഥയിലായി. ഞായറാഴ്ച പുലര്‍ച്ചയുണ്ടായ ശക്തമായ മഴയെ തുടര്‍ന്നാണ് തിട്ടയിടിഞ്ഞത്. വീടി​െൻറ ഒരു വശം മുഴുവന്‍ മണ്ണിനടിയിലായി. വീടി​െൻറ ഭിത്തികള്‍ക്കും വിള്ളല്‍ സംഭവിച്ചു. 30 അടി ഉയരത്തില്‍നിന്നാണ് മണ്‍തിട്ടയിടിഞ്ഞത്. മൂന്ന് പ്രാവശ്യം മണ്ണിടിഞ്ഞെന്ന് സെബാസ്റ്റ്യന്‍ പറഞ്ഞു. സെബാസ്റ്റ്യനും കുടുംബവും വീട്ടില്‍നിന്ന് ഓടി മാറിയതിനാല്‍ അപകടമുണ്ടാകാതെ രക്ഷപ്പെട്ടു. മഴ തുടരുന്ന സാഹചര്യത്തില്‍ തിട്ടയുടെ മുകള്‍ഭാഗം ഇനിയും ഇടിയാമെന്ന സ്ഥിതിയാണ്. മണ്ണുമാന്തി യന്ത്രം സ്ഥലത്ത് എത്തിക്കാന്‍ മാര്‍ഗമില്ലാത്തതിനാല്‍ ഇടിഞ്ഞ മണ്ണ് നീക്കം ചെയ്യാന്‍ കാലതാമസം വരും. മൂന്നിലവ് ഗ്രാമപഞ്ചായത്ത്, വില്ലേജ് അധികൃതര്‍ സ്ഥലം സന്ദര്‍ശിച്ച് അപകടസാധ്യത വിലയിരുത്തി.