മുല്ലപ്പെരിയാർ ഉപസമിതി സന്ദർശനം ഇന്ന്: ജലനിരപ്പ് 132 അടിയിലേക്ക്

കുമളി: കനത്ത മഴയെ തുടർന്ന് മുല്ലപ്പെരിയാർ അണക്കെട്ടിലെ ജലനിരപ്പ് 132 അടിയിലേക്ക് ഉയരുന്നു. അണക്കെട്ടി​െൻറ വൃഷ്ടിപ്രദേശമായ പെരിയാർ വനമേഖലയിൽ മഴ ശക്തമായി തുടരുകയാണ്. 142 അടി നിശ്ചയിച്ചിട്ടുള്ള അണക്കെട്ടിൽ ഇപ്പോൾ 131.50 അടിയാണ് ജലനിരപ്പ്. അണക്കെട്ടിലെ ജലനിരപ്പ് അതിവേഗം ഉയരുന്ന സാഹചര്യത്തിലാണ് അഞ്ചംഗ ഉപസമിതി ബുധനാഴ്ച അണക്കെട്ട് സന്ദർശിക്കുന്നത്. ചെയർമാൻ വി. രാജേഷി​െൻറ നേതൃത്വത്തിലെ സംഘം ജൂൺ 15നാണ് ഏറ്റവും ഒടുവിൽ അണക്കെട്ട് സന്ദർശിച്ചത്. മഴ ശക്തമായതോടെ അണക്കെട്ടിലേക്ക് നീരൊഴുക്ക് സെക്കൻഡിൽ 6770 ഘനയടിയായി ഉയർന്നു. തമിഴ്നാട്ടിലേക്ക് 1573 ഘനയടി ജലമാണ് തുറന്നുവിട്ടിട്ടുള്ളത്. വൃഷ്ടിപ്രദേശമായ പെരിയാർ വനമേഖലയിൽ 41ഉം തേക്കടിയിൽ 28.8 മില്ലിമീറ്റർ മഴയുമാണ് പെയ്തത്. മുല്ലപ്പെരിയാർ ജലം സംഭരിക്കുന്ന തേനി ജില്ലയിലെ വൈഗ അണക്കെട്ടിലും ജലനിരപ്പ് ഉയരുകയാണ്. 71 അടി സംഭരണശേഷിയുള്ള വൈഗ അണക്കെട്ടിൽ 48.88 അടി ജലമാണുള്ളത്.