ലൂര്‍ദിയന്‍ ബാസ്​കറ്റ്​​ബാൾ ടൂര്‍ണമെൻറിന്​ തുടക്കം

കോട്ടയം: ലൂര്‍ദ് പബ്ലിക് സ്‌കൂൾ ആഭിമുഖ്യത്തില്‍ 15ാമത് ലൂര്‍ദിയന്‍ ഇൻറർസ്കൂള്‍ ബാസ്‌കറ്റ് ബാള്‍ ടൂര്‍ണമ​െൻറ് നടൻ കലാഭവന്‍ പ്രജോദ് ഉദ്ഘാടനം ചെയ്തു. ലൂര്‍ദ് സ്‌കൂള്‍ മാനേജര്‍ ഡോ. ജോസഫ് മണക്കളം അധ്യക്ഷതവഹിച്ചു. ലൂര്‍ദ് സ്‌കൂള്‍ പ്രിന്‍സിപ്പൽ ഫാ. പയസ് പായിക്കാട്ടുമറ്റത്തില്‍ സ്വാഗതം പറഞ്ഞു. സ്‌കൂള്‍ ട്രസ്റ്റി തോമസ് സെബാസ്റ്റ്യൻ, മുനിസിപ്പല്‍ കൗണ്‍സിലര്‍ ടി. എൻ. ഹരികുമാര്‍, പി.ടി.എ. പ്രസിഡൻറ് എസ്. ഗോപകുമാര്‍ എന്നിവർ സംസാരിച്ചു. ചൊവ്വാഴ്ച നടന്ന മത്സരങ്ങളില്‍ ആണ്‍കുട്ടികളുടെ വിഭാഗത്തില്‍ ജി.വി. രാജ തിരുവനന്തപുരം ലൂര്‍ദ് പബ്ലിക് സ്‌കൂൾ കോട്ടയത്തെയും (26 - 10 ) സ​െൻറ് എഫ്രേംസ് മാന്നാനം എസ്.എച്ച് ചങ്ങനാശ്ശേരിയെയും (61 - 26 ) പെണ്‍കുട്ടികളുടെ വിഭാഗത്തില്‍ മൗണ്ട് കാര്‍മല്‍ കോട്ടയം ലൂര്‍ദ് കോട്ടയത്തെയും (37 -12 ) ജി.വി.എച്ച്.എസ്.എസ് കണ്ണൂര്‍ എസ്.എച്ച് കോട്ടയത്തെയും (30 -5 ) പരാജയപ്പെടുത്തി.