മണ്ണിടിഞ്ഞ് മിനി പവർഹൗസ്​ നശിച്ചു

അടിമാലി: മണ്ണിടിഞ്ഞ് ജില്ല പഞ്ചായത്തി​െൻറ മിനി പവർഹൗസ് നശിച്ചു. ഇടുക്കി ജില്ല പഞ്ചായത്ത് കല്ലാറിൽ നിർമിച്ച പവർഹൗസാണ് നശിച്ചത്. തിങ്കളാഴ്ച പുലർച്ചയുണ്ടായ കനത്ത മഴയിലാണ് മണ്ണിടിഞ്ഞത്. കെട്ടിടവും ടർെബെനുമടക്കം ജനറേറ്റർ പാനൽ ബോർഡ് ഉൾപ്പെടെ നശിച്ചു. ഡൈനാമോ തകരാറിലായതിനാൽ ഒരാഴ്ചയായി ഉൽപാദനം നിർത്തിവെച്ച് പവർഹൗസ് അടച്ചിട്ടിരുന്നതിനാൽ ജീവനക്കാർ ഉണ്ടായിരുന്നില്ല. പ്രതിദിനം 120 യൂനിറ്റ് വൈദ്യുതിയാണ് ഇവിടെ ഉൽപാദിപ്പിച്ചിരുന്നത്. ഒരുകോടിയോളം മുടക്കി നിർമിച്ച മിനി പവർഹൗസ് 2013ലാണ് ഉദ്ഘാടനം ചെയ്തത്. ഉൽപാദിപ്പിക്കുന്നത് വൈദ്യുതി വകുപ്പിനു വിൽക്കുകയാണ്. ഇതിനു താഴെ വൈദ്യുതി വകുപ്പി​െൻറ മറ്റൊരു മിനി വൈദ്യുതി നിലയത്തി​െൻറ നിർമാണവും നടക്കുന്നുണ്ട്.