സമയത്തിന് ആശുപത്രിയിൽ എത്തിക്കാനായില്ല; മാതാവി​െൻറ മരണത്തിന് കാരണം ഫുട്ബാൾ ആരാധകരെന്ന് മക​െൻറ പരാതി

കുമളി: നെഞ്ചുവേദനയെ തുടർന്ന് ആശുപത്രിയിൽ എത്തിക്കാൻ കൊണ്ടുപോകുന്നതിനിടെ ഒരു സംഘം ഫുട്ബാൾ ആരാധകർ വഴിമുടക്കിയത് മാതാവി​െൻറ മരണത്തിനു ഇടയാക്കിയെന്ന് മക​െൻറ പരാതി. കുമളി ആലുങ്കൽ വീട്ടിൽ നിഷാന്താണ് പരാതി നൽകിയത്. കഴിഞ്ഞ തിങ്കളാഴ്ച രാത്രി ഒമ്പതോടെയാണ് സംഭവം. നെഞ്ചുവേദനയെ തുടർന്ന് മാതാവിനെ ആശുപത്രിയിൽ കൊണ്ടുപോകുംവഴി അമരാവതി ഭാഗത്തുെവച്ച് ഫുട്ബാൾ ആരാധകരുടെ ആഹ്ലാദപ്രകടനം വഴിമുടക്കുകയായിരുന്നെന്ന് പരാതിയിൽ പറയുന്നു. ഇതിനെ തുടർന്ന് കൃത്യസമയത്ത് ആശുപത്രിയിൽ എത്തിച്ച് ചികിത്സ ലഭ്യമാക്കാത്ത കാരണം മാതാവ് മരണപ്പെടുകയായിരുന്നെന്നാണ് പരാതി. അമരാവതി സ്വദേശികളായ അഞ്ചു പേർക്കെതിരെയാണ് വാഹനം തടഞ്ഞതിനെതിരെ പരാതി നൽകിയിട്ടുള്ളത്. ഇവരെ, അന്വേഷണ ഭാഗമായി വിളിച്ചുവരുത്താൻ തീരുമാനിച്ചതായി എസ്.ഐ പറഞ്ഞു.