സിൻഹു കമീഷൻ റിപ്പോർട്ട് നടപ്പാക്കണം -സമസ്​ത നായർ സമാജം

കോട്ടയം: സിൻഹു കമീഷൻ റിപ്പോർട്ട് ഉടൻ നടപ്പാക്കണമെന്ന് സമസ്ത നായർ സമാജം. ഇൗ ആവശ്യമുന്നയിച്ച് സമരപരിപാടികൾ ആരംഭിക്കുമെന്നും ഭാരവാഹികൾ വാർത്തസമ്മേളനത്തിൽ പറഞ്ഞു. ചട്ടമ്പിസ്വാമിയുടെ 165ാമത് ജയന്തി 'ശ്രീ വിദ്യാധിരാജോത്സവം 2018 നായർ മഹാസംഗമം' എന്ന പേരിൽ സെപ്റ്റംബർ ഒന്ന്, രണ്ട് തീയതികളിൽ തൃശൂർ തേക്കിൻകാട് മൈതാനത്ത് ആചരിക്കും. ഇതിനു മുന്നോടിയായി സ്കൂൾ-കോളജ് വിദ്യാർഥികൾക്കായി ഇംഗ്ലീഷ്, മലയാളം ഉപന്യാസ മത്സരങ്ങൾ നടത്തും. വാർത്തസമ്മേളനത്തിൽ ജനറൽ സെക്രട്ടറി പെരുമുറ്റം രാധാകൃഷ്ണൻ, ഭാരവാഹികളായ രാജേഷ് തിരുവാർപ്പ്, സോജ ഗോപാലകൃഷ്ണൻ, പ്രവീൺ ഇറവങ്കര എന്നിവർ പങ്കെടുത്തു.