വാഗമണ്ണിൽ പത്തേക്കർ ഭൂമിയിലെ കൈയേറ്റം ഒഴിപ്പിച്ചു

പീരുമേട്: വാഗമൺ വില്ലേജിലെ കോലാഹലമേട് നല്ലതണ്ണിയിൽ സർക്കാർ ഭൂമി കൈയേറിയത് റവന്യൂ അധികൃതർ ഒഴിപ്പിച്ചു. സർവേ നമ്പർ 212/2ൽ ഉൾപ്പെട്ട സ്ഥലത്തെ 10 ഏക്കറാണ് കൈയേറിയത്. ലാൻഡ് അസൈമ​െൻറ് ഡെപ്യൂട്ടി തഹസിൽദാർ ജാഫർഖാ​െൻറ നേതൃത്വത്തിലാണ് ഒഴിപ്പിക്കൽ. സമീപവാസികളാണ് കൈയേറ്റത്തെക്കുറിച്ച് റവന്യൂ അധികൃതർക്ക് വിവരം നൽകിയത്. പൊലീസ് അന്വേഷണം ആരംഭിച്ചു. കഴിഞ്ഞ ഏതാനും ദിവസമായി നിർമാണ പ്രവർത്തനങ്ങൾ നടന്നുവരുകയായിരുന്നുവെന്ന് പ്രദേശവാസികൾ പറഞ്ഞു. മുള്ളുവേലി ഉപയോഗിച്ച് സംരക്ഷണവേലി നിർമിച്ച് മറ്റുള്ളവർ സ്ഥലത്ത് കയറാതെയായിരുന്നു നിർമാണം നടത്തിയിരുന്നത്.