Begin typing your search above and press return to search.
exit_to_app
exit_to_app
Posted On
date_range 25 Feb 2018 5:35 AM GMT Updated On
date_range 25 Feb 2018 5:35 AM GMTമുഴുവൻ ക്ഷീര കർഷകർക്കും സമഗ്ര ഇൻഷുറൻസ് -മന്ത്രി കെ. രാജു
text_fieldsbookmark_border
കട്ടപ്പന: സംസ്ഥാനത്തെ മുഴുവൻ ക്ഷീര കർഷകർക്കും അവരുടെ കുടുംബങ്ങൾക്കും സമഗ്ര ഇൻഷുറൻസ് ഉറപ്പാക്കുമെന്ന് ക്ഷീര വികസന മന്ത്രി കെ. രാജു. ജില്ല ക്ഷീര കർഷക സംഗമം നെറ്റിത്തൊഴുവിൽ ഉദ്ഘാടനം ചെയ്യുകയായിരുന്നു അദ്ദേഹം. പാൽ ഉൽപാദന രംഗത്ത് സംസ്ഥാനത്തെ ക്ഷീര സഹകരണ സംഘങ്ങൾ കഴിഞ്ഞ വർഷത്തെക്കാൾ 17 ശതമാനത്തിലധികം ഉൽപാദനം ഈ വർഷം കൈവരിച്ചു. സംസ്ഥാനത്തിന് ആവശ്യമായ പാലിെൻറ 85 ശതമാനംവരെ ഇപ്പോൾ ഉൽപാദിപ്പിക്കുന്നുണ്ട്. ഉൽപാദനത്തിലെ വളർച്ച ഇങ്ങനെ തുടർന്നാൽ ഈവർഷം തന്നെ സംസ്ഥാനം പാൽ ഉൽപാദനത്തിൽ സ്വയംപര്യാപ്തത നേടും. സംസ്ഥാനത്തെ 152 ബ്ലോക്കുകളിൽ മുഴുവൻ സമയവും മൃഗഡോക്ടർമാരുടെ സേവനം ലഭ്യമാക്കും. ക്ഷീര സഹകരണ സംഘങ്ങളിൽ കർഷകരുടെ പേരിൽ കയറിക്കൂടിയ വ്യാജന്മാർക്കെതിരെയും കൃത്യമായ ഓഡിറ്റ് നടത്താത്ത ക്ഷീര സഹകരണ സംഘങ്ങൾക്കെതിരെയും കർശന നടപടി സ്വീകരിക്കും. പാലിെൻറ ഇൻസെൻറിവ് കൊടുക്കുന്നതിനുള്ള പരിധി 30,000ൽനിന്ന് 40,000 ആയി ഉയർത്തിയിട്ടുണ്ടെന്നും മന്ത്രി പറഞ്ഞു. മിൽമ പാലിനെതിരെ സമൂഹമാധ്യമങ്ങളിലൂടെ വ്യാജ പ്രചാരണം നടത്തുന്നവർക്കെതിരെ നിയമ നടപടി സ്വീകരിച്ചിട്ടുള്ളതായും മന്ത്രി പറഞ്ഞു. ഇ.എസ്. ബിജിമോൾ എം.എൽ.എ അധ്യക്ഷതവഹിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story