കിണറ്റിൽ വീണ്​ യുവാക്കൾക്ക്​ പരിക്ക്​

തലയോലപ്പറമ്പ്: കാൽ വഴുതി . തലയോലപ്പറമ്പ് തലപ്പാറക്ക് സമീപം ഹിന്ദുസ്ഥാൻ പെട്രോളിയം പമ്പിന് എതിർവശം വാടക്ക് താമസിക്കുന്ന മലപ്പുറം സ്വദേശി സുധീഷ് (28), ഇടുക്കി സ്വദേശി സുധീഷ് (29), തമിഴ്നാട് സ്വദേശി ശെൽവൻ (30) എന്നിവർക്കാണ് പരിക്കേറ്റത്. ശെൽവനെ പൊതിയിലെ സ്വകാര്യ ആശുപത്രിയിലെ ചികിത്സക്കുശേഷം വിട്ടയച്ചു. ഗുരുതര പരിക്കേറ്റ മറ്റു രണ്ടുപേരെ കോട്ടയം മെഡിക്കൽ കോളജിൽ പ്രവേശിപ്പിച്ചു. ചൊവ്വാഴ്ച രാത്രി 10.30നാണ് സംഭവം. ഇവർ വാടകക്ക് താമസിക്കുന്ന വീട്ടുമുറ്റത്തെ കിണറ്റിലാണ് വീണത്. കടുത്തുരുത്തി അഗ്നിരക്ഷ സേനയും തലയോലപ്പറമ്പ് പൊലീസും ചേർന്നാണ് പത്തടി താഴ്ചയുള്ള കിണറ്റിൽനിന്ന് മൂവരെയും പുറത്തെടുത്തത്. രക്ഷിക്കാൻ ചാടിയാണ് തമിഴ്നാട് സ്വദേശിക്ക് പരിക്കേറ്റത്. തലയോലപ്പറമ്പിലെ സ്വകാര്യ നിർമാണക്കമ്പനിയിലെ ജീവനക്കാരാണ് മൂവരും.