കുവൈത്ത്​ പൊതുമാപ്പ്:​ തിരികെ എത്തുന്നവരെ സഹായിക്കണം ^പി.സി. ജോർജ്

കുവൈത്ത് പൊതുമാപ്പ്: തിരികെ എത്തുന്നവരെ സഹായിക്കണം -പി.സി. ജോർജ് കോട്ടയം: കുവൈത്ത് ആഭ്യന്തര വകുപ്പ് പ്രഖ്യാപിച്ച പൊതുമാപ്പിനെത്തുടർന്ന് മടങ്ങിയെത്തുന്ന മലയാളികളെ സഹായിക്കാൻ കേന്ദ്ര-സംസ്ഥാന സർക്കാറുകൾ തയാറാകണമെന്ന് പി.സി. ജോർജ് എം.എൽ.എ. ഇവർക്ക് മടക്കയാത്രക്ക് സൗജന്യ വിമാന ടിക്കറ്റ് നൽകാൻ നടപടി സ്വീകരിക്കണം. കുവൈത്ത് സർക്കാറി​െൻറ കണക്കുപ്രകാരം 32,000 ഇന്ത്യക്കാരാണ് അനധികൃത താമസക്കാരായുള്ളത്. ജീവിതകാലം മുഴുവൻ കുടുംബത്തിനും രാജ്യത്തിനും കഷ്ടപ്പെട്ട ഇവർ തിരികെ എത്തുമ്പോൾ ആവശ്യമായ സഹായം നൽകണമെന്നും അദ്ദേഹം ആവശ്യപ്പെട്ടു.