വ്യാജരേഖ: എന്‍ജിനീയറിങ്​ കോളജ് പ്രിന്‍സിപ്പലിന് സസ്പെന്‍ഷന്‍

മൂന്നാര്‍: വ്യാജരേഖ തയാറാക്കിയതിന് മൂന്നാര്‍ എന്‍ജിനീയറിങ് കോളജ് പ്രിന്‍സിപ്പൽ ഡോ. പി. രമേഷിനെ സസ്പെൻഡ് ചെയ്തു. പ്രിന്‍സിപ്പൽ സ്ഥാനത്തിന് ഇളക്കം തട്ടാതിരിക്കാൻ നടത്തിയ ക്രമക്കേട് കണ്ടുപിടിച്ചതോടെയാണ് നടപടി. അഖിലേന്ത്യ സാങ്കേതിക വിദ്യാഭ്യാസ കൗണ്‍സിലി​െൻറ ഡയറക്ടറായി നിയമിതനായതിനെ തുടര്‍ന്ന് കോളജ് പ്രിന്‍സിപ്പലായിരുന്ന ഡോ. രമേഷ് ഉണ്ണികൃഷ്ണന്‍ െഡപ്യൂട്ടേഷനില്‍ പോയതോടെയാണ് പി. രമേഷ് മൂന്നാര്‍ കോളജി​െൻറ പ്രിന്‍സിപ്പലായത്. കോളജി​െൻറയും വിദ്യാഭ്യാസ വകുപ്പി​െൻറയും നോ ഒബ്ജക്ഷന്‍ സര്‍ട്ടിഫിക്കറ്റ് സമര്‍പ്പിച്ചാല്‍ പ്രിന്‍സിപ്പലായി രമേഷിന് തുടരാം. അഖിലേന്ത്യ സാങ്കേതിക വിദ്യാഭ്യാസ കൗണ്‍സിലി​െൻറ ഡയറക്ടര്‍ സ്ഥാനത്ത് തുടരുന്നതില്‍ കോളജി​െൻറ ഭാഗത്തുനിന്ന് തടസ്സങ്ങളൊന്നുമില്ലെന്ന് കാണിച്ച് കോളജിലെ ഒരു ജീവനക്കാര​െൻറ സഹായത്തോടെ എ.ഐ.സി.ടി.ഇ ആസ്ഥാനത്തേക്ക് രേഖകള്‍ തയാറാക്കി അയക്കുകയായിരുന്നു. ഗൗരവസ്വഭാവമുള്ള രേഖകള്‍ എസ്റ്റാബ്ലിഷ്മ​െൻറ് സെക്ഷന്‍ വഴിയാണ് കൈകാര്യം ചെയ്യേണ്ടത്. എന്നാല്‍, ഈ സെക്ഷന്‍ കൈകാര്യം ചെയ്യുന്ന ഉദ്യോഗസ്ഥരോ ജീവനക്കാരോ ഇക്കാര്യം അറിഞ്ഞിരുന്നില്ല. രമേഷ് ഉണ്ണികൃഷ്ണന്‍ ഒരു വര്‍ഷംകൂടി എ.ഐ.സി.ടി.ഇ ഡയറക്ടറായി തുടരുകയാണെങ്കില്‍ അത്രയും കാലം മൂന്നാര്‍ കോളജി​െൻറ പ്രിന്‍സിപ്പലായി തുടരുന്നതിന് പി. രമേഷിന് അവസരമൊരുങ്ങുമായിരുന്നു. എന്നാല്‍, ഇത്തരത്തിലെ സര്‍ട്ടിഫിക്കറ്റ് രമേഷ് ഉണ്ണികൃഷ്ണ​െൻറ പേരില്‍ വകുപ്പില്‍ എത്തിയത് അദ്ദേഹം അറിഞ്ഞിരുന്നില്ല. അതേസമയം, സംഭവത്തെപ്പറ്റി പ്രതികരിക്കാന്‍ കോളജ് അധികൃതര്‍ തയാറായിട്ടില്ല.