സാബു തോമസിന്​ വൈസ്​ ചാൻസലറുടെ ചുമതല

കോട്ടയം: എം.ജി സർവകലാശാല വൈസ് ചാൻസലറുടെ ചുമതല മുതിർന്ന അധ്യാപകൻ സാബു തോമസിന് നൽകി. നിലവിൽ സാബു തോമസ് പ്രോ-വൈസ് ചാൻസലറാണ്. വി.സിയുടെ കാലാവധിയുടെ കഴിയുന്നതിനാൽ പ്രോ-വൈസ് ചാൻസലറും സ്ഥാനമൊഴിയേണ്ടിവരും. ഇൗ സാഹചര്യത്തിലാണ് മുതിർന്ന അധ്യാപകനെന്ന നിലയിൽ ചുമതല കൈമാറിയത്. വെള്ളിയാഴ്ച വി.സി വിരമിക്കുന്ന സാഹചര്യത്തിലാണ് പുതിയ നിയമനം. സ്ഥാനമൊഴിയുന്ന വി.സി ഡോ. ബാബു സെബാസ്റ്റ്യന് സർവകലാശാല സിൻഡിക്കേറ്റ് യാത്രയയപ്പ് നൽകി ഉപഹാരവും സമർപ്പിച്ചു.