ട്രെയിൻ ഗതാഗതം ​ഇന്ന്​ പുനരാരംഭിക്കും

കോട്ടയം: മഴയും വെള്ളക്കെട്ടും മണ്ണിടിച്ചിലും മൂലം നിർത്തിവെച്ച എറണാകുളം-കോട്ടയം-കായംകുളം റൂട്ടിൽ ട്രെയിൻ ഗതാഗതം വേഗ നിയന്ത്രണത്തോടെ ഞായറാഴ്ച പുനരാരംഭിക്കും. വെള്ളിയാഴ്ച സർവിസ് ആരംഭിക്കുമെന്നായിരുന്നു ആദ്യ അറിയിപ്പെങ്കിലും പിന്നീട് ശനിയാഴ്ച വൈകീട്ടാക്കി തിരുത്തി. എന്നാൽ, ശനിയാഴ്ചയും സർവിസ് തുടങ്ങാൻ റെയിൽവേ തയാറായിരുന്നില്ല. തിരുവല്ലയിലും ചെങ്ങന്നൂരിലും റെയിൽപാലങ്ങൾക്കൊപ്പം പുഴകളിൽ ജലനിരപ്പ് ഉയർന്നതാണ് സർവിസ് വൈകാൻ കാരണമെന്നാണ് വിശദീകരണം. കോട്ടയം വഴി ട്രെയിൻ ഗതാഗതം നിലച്ചിട്ട് നാലുദിവസമായി.