നവാസ്​ ശരീഫിനെ ആശുപത്രിയിൽനിന്ന്​ ജയിലിലേക്ക്​ മാറ്റി

നവാസ് ശരീഫിനെ ആശുപത്രിയിൽനിന്ന് ജയിലിലേക്ക് മാറ്റി ഇസ്ലാമാബാദ്: ആരോഗ്യനിലയിൽ പുരോഗതിയുണ്ടായതിനെ തുടർന്ന് പാകിസ്താൻ മുൻ പ്രധാനമന്ത്രി നവാസ് ശരീഫിെന ആശുപത്രിയിൽനിന്ന് ജയിലിലേക്ക് മാറ്റി. ഞായറാഴ്ച രാത്രിയാണ് ശാരീരികാസ്വാസ്ഥ്യമുണ്ടായതിനെ തുടർന്ന് ശരീഫിനെ പാകിസ്താൻ ഇൻസ്റ്റിറ്റ്യൂട്ട് ഒാഫ് മെഡിക്കൽ സയൻസസിലെ കാർഡിയാക് സ​െൻററിൽ പ്രവേശിപ്പിച്ചത്. ചികിത്സയെ തുടർന്ന് നടത്തിയ വിദഗ്ധ പരിശോധനകളിൽ ആരോഗ്യനില മെച്ചപ്പെട്ടതോടെയാണ് ജയിലിലേക്ക് മാറ്റിയതെന്ന് സർക്കാർ വൃത്തങ്ങൾ അറിയിച്ചു. ലണ്ടനിൽ ആഡംബര വസതികൾ വാങ്ങിയതുമായി ബന്ധപ്പെട്ട കേസിൽ 10 വർഷം തടവിന് വിധിക്കപ്പെട്ട ശരീഫ് ജൂലൈ 13 മുതൽ ജയിൽശിക്ഷ അനുഭവിക്കുകയാണ്.