ശബരിമല ആറാട്ടിന്​ ആനയെഴുന്നള്ളിപ്പ്​: ഹൈകോടതി ​േദവസ്വം ബോർഡി​െൻറ നിലപാട് ​തേടി

കൊച്ചി: ശബരിമലയിൽ ആനയെ എഴുന്നള്ളിക്കണോയെന്ന കാര്യത്തിൽ തന്ത്രിയുടേതടക്കം അഭിപ്രായം തേടിയശേഷം തീരുമാനമെടുക്കണമെന്ന ശബരിമല സ്പെഷൽ കമീഷണറുടെ ശിപാർശയിൽ ഹൈകോടതി േദവസ്വം ബോർഡി​െൻറ നിലപാട് തേടി. ദേവസ്വം ബോർഡ്, തന്ത്രി, മൃഗസംരക്ഷണ വകുപ്പ്, വനം വകുപ്പ് എന്നിവരുടെ വിദഗ്ധാഭിപ്രായം സ്വീകരിച്ച് ഇക്കാര്യത്തിൽ തീരുമാനമെടുക്കണമെന്ന റിപ്പോർട്ടാണ് സ്പെഷൽ കമീഷണർ ഹൈകോടതിക്ക് നൽകിയത്. ആറാട്ട് എഴുന്നള്ളത്തിനിടെ കഴിഞ്ഞ ദിവസം ആനയിടഞ്ഞതിനെക്കുറിച്ച് ഹൈകോടതിയിലെ ദേവസ്വം ബെഞ്ചിന് നൽകിയ റിപ്പോർട്ടിലാണ് ഇക്കാര്യം പറഞ്ഞിട്ടുള്ളത്. ശബരിമല ഉൾപ്പെടെ ക്ഷേത്രങ്ങളിലേക്ക് ആനകളെ നിയോഗിക്കുന്ന ബോർഡി​െൻറ ഡെപ്യൂട്ടി കമീഷണർ കൂടുതൽ ജാഗ്രത പുലർത്തണമെന്നും സ്പെഷൽ കമീഷണറുടെ റിപ്പോർട്ടിൽ പറയുന്നു.