ആവേശം പകര്‍ന്ന് ആനയിറങ്കലില്‍ മഡ് റേ​സ്​

രാജാക്കാട്: സാഹസിക പ്രേമികളിൽ ആവേശത്തിരയിളക്കമായി അഡ്വഞ്ചര്‍ മഡ് റേസ്. അടിമാലി ജി.പി.എസി​െൻറയും എറണാകുളം ജെ.ആര്‍.സിയുടെയും ആഭിമുഖ്യത്തില്‍ തുടര്‍ച്ചയായ മൂന്നാം തവണയാണ് ഹൈറേഞ്ചില്‍ മഡ് റേസ് സംഘടിപ്പിക്കുന്നത്. ഇടുക്കി ജില്ല പഞ്ചായത്ത് പ്രസിഡൻറ് കൊച്ചുത്രേസ്യ പൗലോസ് ഉദ്ഘാടനം നിര്‍വഹിച്ചു. കുണ്ടും കുഴിയും കുന്നും മലയും ചളിയും നിറഞ്ഞ ഓഫ് റോഡിലൂടെ അമിത വേഗത്തില്‍ വാഹനങ്ങള്‍ ചീറിപ്പാഞ്ഞപ്പോള്‍ സാഹസിക പ്രേമികള്‍ കൈയടിച്ചാണ് പ്രോത്സാഹിപ്പിച്ചത്. 14 ജില്ലകളില്‍നിന്നുള്ള വാഹനങ്ങളാണ് എത്തിയത്. TDL10 ആനയിറങ്കലില്‍ നടന്ന മഡ് റേസില്‍നിന്ന്