എ.എം.എസ് സംസ്ഥാന സമ്മേളനം പാലായിൽ

കോട്ടയം: ഐ.എം.എയുടെ പ്രത്യേക വിഭാഗമായ അക്കാദമി ഓഫ് മെഡിക്കല്‍ സ്‌പെഷലിറ്റിസി​െൻറ (എ.എം.എസ്) സംസ്ഥാന സമ്മേളനം ഞായറാഴ്ച നടക്കും. രാവിലെ ഒമ്പതിന് പാലാ സൺസ്റ്റാർ കണ്‍വെന്‍ഷന്‍ സ​െൻററില്‍ നടക്കുന്ന സമ്മേളനം സംസ്ഥാന പ്രസിഡൻറ് ഡോ. വി.ജി. പ്രദീപ്കുമാര്‍ ഉദ്ഘാടനം ചെയ്യും. ഡോ. പി.എ. അലക്‌സാണ്ടര്‍ സ്മാരകപ്രഭാഷണം ഡോ. പി.വി. രാമചന്ദ്രന്‍ നിര്‍വഹിക്കും. 'പ്രമേഹരോഗ ചികിത്സരംഗത്തെ പുതിയ പ്രവണതകൾ' വിഷയത്തിലാണ് സമ്മേളനമെന്ന് ഭാരവാഹികള്‍ വാര്‍ത്തസമ്മേളനത്തില്‍ അറിയിച്ചു. സംസ്ഥാന സമ്മേളനത്തോടനുബന്ധിച്ചുള്ള സ്മരണിക എ.എം.എസ് സംസ്ഥാന ചെയര്‍മാന്‍ സുരേന്ദ്രബാബു പ്രകാശനം ചെയ്യും. സംസ്ഥാനത്തി​െൻറ വിവിധ ഭാഗങ്ങളില്‍നിന്ന് അഞ്ഞൂറോളം പ്രതിനിധികള്‍ സമ്മേളനത്തില്‍ പങ്കെടുക്കും. ഓര്‍ഗനൈസിങ് ചെയര്‍മാന്‍ ഡോ. ജി. ഹരീഷ്‌കുമാര്‍, ഐ.എം.എ പാലാ ബ്രാഞ്ച് പ്രസിഡൻറ് ഡോ. വി.ജെ. വര്‍ക്കി, സ്മരണിക എഡിറ്റര്‍ ഡോ. കെ.സി. ബേബി എന്നിവർ വാര്‍ത്തസമ്മേളനത്തില്‍ പങ്കെടുത്തു.