മൂന്നാർ ഒറ്റപ്പെട്ടു

മണ്ണിടിച്ചിൽ: നേര്യമംഗലം-മൂന്നാർ ദേശീയപാതയിൽ രാത്രി ഗതാഗതം നിരോധിച്ചു തൊടുപുഴ: ദേശീയപാതയിൽ പലയിടത്തും മണ്ണിടിയുന്ന സാഹചര്യത്തിൽ കൊച്ചി- -ധനുഷ്കോടി ദേശീയ പാതയിൽ നേര്യമംഗലത്തുനിന്ന് മൂന്നാറിലേക്ക് രാത്രി ഗതാഗതം നിരോധിച്ചു. കനത്ത മഴയെത്തുടർന്ന് കൊച്ചി-ധനുഷ്കോടി ദേശീയപാതയിൽ രണ്ടാം മൈലിൽ ഞായറാഴ്ച വൈകീേട്ടാടെയാണ് വലിയ തോതിൽ മണ്ണിടിഞ്ഞത്. രണ്ട് കാർ അപകടത്തിൽപെട്ടു. വാഹനങ്ങളിലൊന്ന് റോഡിൽനിന്ന് താഴേക്ക് തെന്നിനീങ്ങിയെങ്കിലും അപകടം ഒഴിവാകുകയായിരുന്നു. മൂന്നാറിലേക്കുള്ള വാഹനങ്ങൾ നേര്യമംഗലത്ത് തടയുമെന്ന് ജില്ല ഭരണകൂടം അറിയിച്ചു. ദേശീയ പാതയിൽ ഗതാഗതം തടസ്സപ്പെട്ടതോടെ മൂന്നാർ പൂർണമായും ഒറ്റപ്പെട്ട നിലയിലാണ്.