കഞ്ചാവുമായി യുവാവ്​ പിടിയിൽ

കട്ടപ്പന: 150 ഗ്രാം കഞ്ചാവുമായി കാഞ്ചിയാർ കോഴിമല പാണത്തോട്ടത്തിൽ സന്തോഷിനെ (39) എക്‌സൈസ് അറസ്റ്റ് ചെയ്തു. സ്വകാര്യബസിൽ നടത്തിയ പരിശോധനക്കിടെയാണ് ഇയാൾ പിടിയിലായത്. കമ്പത്തുനിന്ന് കഞ്ചാവ് വാങ്ങി കോഴിമലയിൽ എത്തിച്ച് ചില്ലറ വിൽപന നടത്തിവരുകയായിരുന്നു ഇയാൾ. എക്‌സൈസ് ഇൻസ്‌പെക്ടർ എസ്. നിജുമോൻ, പ്രിവൻറിവ് ഓഫിസർ സനൽനാഥ് ശർമ, സി.ഇ.ഒമാരായ രാജേന്ദ്രൻ, സജിമോൻ രാജപ്പൻ, ജി. സജിമോൻ എന്നിവർ ചേർന്ന് പിടികൂടിയ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.