കട്ടപ്പനയിൽ '​െലയ്​കയുടെ' മിന്നൽ പരിശോധന

കട്ടപ്പന: നഗരത്തിലെ കഞ്ചാവ് വിതരണക്കാരെ കെണിയിലാക്കാൻ പൊലീസ് നായുടെ മിന്നൽ പരിശോധന. മയക്കുമരുന്ന് കടത്തുന്നവരെ കണ്ടെത്താൻ പരിശീലനം ലഭിച്ച ഇടുക്കി ഡോഗ് സ്ക്വാഡിലെ പൊലീസ് നായ് ലെയ്ക കട്ടപ്പന നഗരത്തിലും പരിസരത്തും പരിശോധന നടത്തി. കട്ടപ്പന പഴയ ബസ് സ്റ്റാന്‍ഡ്, പുതിയ ബസ് സ്റ്റാന്‍ഡ്, കുന്തളംപാറ റോഡ്, ഇരട്ടയാര്‍ റോഡ് എന്നിവിടങ്ങളിലാണ് ലെയ്കയുമായി പൊലീസ് മിന്നൽ പരിശോധന നടത്തിയത്. റോഡിലും വാഹനങ്ങളിലും പരിശോധന നടന്നു. കഞ്ചാവ്, ഹഷീഷ്, മയക്കുമരുന്ന്, ലഹരി തുടങ്ങിയ കണ്ടെത്തുന്നതിൽ വിദഗ്ധ പരിശീലനം ലഭിച്ചിട്ടുള്ള നായാണ് ഇത്. ബസിനുള്ളിലേക്ക് ലെയ്ക കയറിയപ്പോള്‍ സ്ത്രീകളടക്കമുള്ള യാത്രക്കാര്‍ ഭീതിയിലായെങ്കിലും ഒപ്പമുണ്ടായിരുന്ന ഉദ്യോഗസ്ഥര്‍ ഇവരെ ശാന്തരാക്കി.