കാട്ടാനയെ കണ്ട്​ ഒാടുന്നതിനിടെ വീണ്​ പരിക്കേറ്റയാൾ മരിച്ചു

മറയൂർ: വീട്ടുവളപ്പിലിറങ്ങിയ കാട്ടാനയെ കണ്ട് ഭയന്നോടുന്നതിനിടെ വീണ് പരിക്കേറ്റ് ചികിത്സയിൽ കഴിഞ്ഞിരുന്ന ഗൃഹനാഥൻ മരിച്ചു. വീടി​െൻറ മുകളിലേക്ക് ഒാടി കയറുന്നതിനിടെ കാൽ വഴുതി വീണ റിട്ട. പഞ്ചായത്ത് സെക്രട്ടറി കൂണ്ടക്കാട് ചെമ്പാണിത്തേരിൽ വേലായുധനാണ് (66) മരിച്ചത്. കഴിഞ്ഞ ജൂലൈയിലാണ് അപകടം. ഒരുമാസത്തോളം കോയമ്പത്തൂർ ഗംഗൈ ആശുപത്രിയിലും പിന്നീട് കോട്ടയം മെഡിക്കൽ കോളജ് ആശുപത്രിയിലും ചികിത്സയിലായിരുന്നു. ഭാര്യ: ഹാജിറ. മകൾ: നിഷ. സംസ്കാരം വ്യാഴാഴ്ച വീട്ടുവളപ്പിൽ.