ദമ്പതികളുടെ ​െകാലപാതകം: അന്വേഷണ ഉദ്യോഗസ്​ഥരിൽനിന്ന്​ ഹൈകോടതി വിശദീകരണം തേടി

കൊച്ചി: റാന്നി ഇട്ടിയപ്പാറയിൽ ദമ്പതികൾ കൊല്ലപ്പെട്ട കണ്ട സംഭവത്തിൽ അന്നത്തെ അന്വേഷണ ഉദ്യോഗസ്ഥർ നേരിട്ട് ഹാജരായി വിശദീകരണം നൽകണമെന്ന് ഹൈകോടതി. ചുഴുകുന്നില്‍ ജോര്‍ജ് ജോൺ-കുഞ്ഞൂഞ്ഞ ദമ്പതികളുടെ കൊലപാതകത്തിൽ സി.ബി.ഐ അന്വേഷണമാവശ്യപ്പെട്ട് മകളായ ഡോ. ജിക്കി ജോൺ സമര്‍പ്പിച്ച ഹരജിയിലാണ് റാന്നി എസ്‌.ഐ ലാല്‍ സി ബേബി, സി.ഐയായിരുന്ന ടി. രാജപ്പന്‍ എന്നിവര്‍ നേരിട്ടെത്തി വിശദീകരണം നൽേകണ്ടത്. 2014 ഡിസംബറിലാണ് കേസിന് ആസ്പദമായ സംഭവം. കഴുത്തിൽ മുറിവേറ്റ നിലയിലാണ് സ്വന്തം വീട്ടിൽ മൃതദേഹം കാണപ്പെട്ടത്. കട്ടിലിനടിയില്‍നിന്ന് തോക്കും തിരയും കണ്ടെത്തിയിരുന്നു.