കേരള കോൺഗ്രസ്​ ^ജേക്കബ്​ സംഘടന തെരഞ്ഞെടുപ്പ്​ ഡിസംബറിൽ

കേരള കോൺഗ്രസ് -ജേക്കബ് സംഘടന തെരഞ്ഞെടുപ്പ് ഡിസംബറിൽ കോട്ടയം: കേരള കോൺഗ്രസ് -ജേക്കബ് സംഘടന തെരഞ്ഞെടുപ്പ് ഡിസംബറോടെ പൂർത്തിയാകുമെന്ന് ചെയർമാൻ ജോണി നെല്ലൂർ വാർത്തസമ്മേളനത്തിൽ അറിയിച്ചു. മെംബർഷിപ് വിതരണം ഇൗ മാസവും ബൂത്തുതലം മുതൽ മണ്ഡലം തലം വരെ തെരഞ്ഞെടുപ്പുകൾ നവംബറിലും നടക്കും. ഡിസംബർ 15നകം ജില്ലതല തെരഞ്ഞെടുപ്പുകളും ഡിസംബർ 30ന് സംസ്ഥാന ഭാരവാഹികളുടെ തെരഞ്ഞെടുപ്പും നടത്തും. ടി.എം. ജേക്കബ് അനുസ്മരണം ജില്ല തലങ്ങളിലും സംസ്ഥാനതലത്തിലും സംഘടിപ്പിക്കും. ഈ മാസം 19ന് മൂന്ന് മേഖല കേന്ദ്രങ്ങളിൽ കൂട്ടസത്യഗ്രഹം സംഘടിപ്പിക്കും. നേതാക്കളായ വാക്കാട് രാധാകൃഷ്ണൻ, ബിജു മറ്റപ്പള്ളി, കുളക്കട രാജു എന്നിവരും പങ്കെടുത്തു.