മാത്യൂസ്​ പ്രഥമൻ ബാവയുടെ ഓർമപ്പെരുന്നാൾ

കോട്ടയം: ദേവലോകം കാതോലിക്കേറ്റ് അരമന ചാപ്പലിൽ കബറടങ്ങിയ ബസേലിയോസ് മാർത്തോമ മാത്യൂസ് പ്രഥമൻ കാതോലിക്ക ബാവയുടെ ഓർമപ്പെരുന്നാൾ ചൊവ്വ, ബുധൻ ദിവസങ്ങളിൽ നടക്കും. ദേവലോകം കാതോലിക്കേറ്റ് അരമന ചാപ്പലിൽ ചൊവ്വാഴ്ച വൈകീട്ട് ആറിന് സന്ധ്യാനമസ്കാരത്തെ ത്തുടർന്ന് ഫാ. പി.ജെ. ജോസഫ് അനുസ്മരണ പ്രസംഗം നടത്തും. തുടർന്ന് കബറിങ്കൽ ധൂപപ്രാർഥന, പ്രദക്ഷിണം, ആശീർവാദം എന്നിവയുണ്ടാകും. ബുധനാഴ്ച രാവിലെ 7.30ന് ബസേലിയോസ് മാർത്തോമ പൗലോസ് ദ്വിതീയൻ കാതോലിക്ക ബാവയുടെ കാർമികത്വത്തിൽ മൂന്നിന്മേൽ കുർബാന. തുടർന്ന് കൈമുത്ത്, ആശീർവാദം, നേർച്ചവിളമ്പ് എന്നിവയോടെ സമാപനമാകും.