Begin typing your search above and press return to search.
exit_to_app
exit_to_app
Posted On
date_range 11 May 2017 8:21 PM IST Updated On
date_range 11 May 2017 8:21 PM ISTഅകലക്കുന്നത്ത് കേരള കോൺഗ്രസിനെ പിന്തുണക്കാൻ കോൺഗ്രസ് തീരുമാനം
text_fieldsbookmark_border
കോട്ടയം: ജില്ല പഞ്ചായത്ത് പ്രസിഡൻറ് തെരഞ്ഞെടുപ്പിനെച്ചൊല്ലി തർക്കം തുടരുന്നതിനിടെ, പുതുപ്പള്ളി നിയോജകമണ്ഡലത്തിലെ അകലക്കുന്നം പഞ്ചായത്ത് വൈസ് പ്രസിഡൻറ് തെരഞ്ഞെടുപ്പിൽ കേരള കോൺഗ്രസിനെ പിന്തുണക്കാൻ കോൺഗ്രസ് തീരുമാനം. കേരള കോൺഗ്രസിനുള്ളിലെ മുൻതീരുമാന പ്രകാരം വൈസ് പ്രസിഡൻറായിരുന്ന ഷാലി ബെന്നി രാജിെവച്ച ഒഴിവിലേക്കാണ് വ്യാഴാഴ്ച തെരഞ്ഞെടുപ്പ് നടക്കുന്നത്. കേരള കോൺഗ്രസിലെതന്നെ അജിത ജോമോനാണ് സ്ഥാനാർഥി. കോട്ടയം ജില്ല പഞ്ചായത്ത് പ്രസിഡൻറ് തെരഞ്ഞെടുപ്പിൽ കോൺഗ്രസ് സ്ഥാനാർഥിയെ പരാജയപ്പെടുത്തി സി.പി.എം പിന്തുണയോടെ കേരള കോൺഗ്രസ്-എം അംഗം പ്രസിഡൻറായിരുന്നു. ഇതിനുപിന്നാലെ കേരള കോൺഗ്രസുമായി ബന്ധമുണ്ടാകില്ലെന്ന് ഡി.സി.സി പ്രഖ്യാപിക്കുകയും ചെയ്തു. എന്നാൽ, പ്രാദേശികസഖ്യങ്ങൾ തുടരാനുള്ള കെ.പി.സി.സി തീരുമാനപ്രകാരമാണ് കേരള കോൺഗ്രസിന് പിന്തുണ നൽകുന്നതെന്ന് കോൺഗ്രസ് പഞ്ചായത്ത് നേതൃത്വം അറിയിച്ചു. കേരള കോൺഗ്രസ് എം-കോൺഗ്രസ് സഖ്യമാണ് പഞ്ചായത്ത് ഭരിക്കുന്നത്. കേരള കോൺഗ്രസ് -എം -ആറ്, കോൺഗ്രസ് നാല്, സി.പി.എം -അഞ്ച് എന്നിങ്ങനെയാണ് കക്ഷിനില. സ്വതന്ത്രരായി വിജയിച്ച രണ്ടുേപർ പിന്നീട് കേരള കോൺഗ്രസിനൊപ്പം ചേരുകയായിരുന്നു. കോൺഗ്രസിലെ സണ്ണി എബ്രഹാമാണ് നിലവിൽ പ്രസിഡൻറ്്. മുൻ ധാരണ പ്രകാരം രണ്ടര വർഷത്തിനുശേഷം പ്രസിഡൻറ് സ്ഥാനം കേരള കോൺഗ്രസിന് നൽകണം. രണ്ടര വർഷത്തിനുശേഷം കോൺഗ്രസിന് വൈസ് പ്രസിഡൻറ് സ്ഥാനം നൽകാനുമാണ് ധാരണ.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story