ശ്രീകുമാരഗുരു മണ്ഡപത്തിൽ പൊയ്ക തീർഥാടന പദയാത്ര ഇന്ന്​ എത്തും

തിരുവല്ല: പൊയ്കയിൽ ശ്രീകുമാരഗുരു ദേഹവിയോഗത്തിൻറ 78-ാം വാർഷിക ഉപവാസ ധ്യാന യോഗത്തി​െൻറ സംസ്ഥാനതല സമാപനംകുറിച്ചുള്ള പൊയ്ക തീർഥാടന പദയാത്രകൾ ഇരവിപേരൂർ ശ്രീകുമാരഗുരു മണ്ഡപത്തിൽ ബുധനാഴ്ച എത്തും. പ്രത്യക്ഷ രക്ഷ ദൈവസഭയുടെ സംസ്ഥാനത്തെ കിഴക്കൻ മേഖല, മധ്യമേഖല, പടിഞ്ഞാറൻ മേഖലകളിൽനിന്നെത്തുന്ന പദയാത്രികരെ ഇരവിപേരൂർ ജങ്ഷനിൽ വൈകീട്ട് നാലുമുതൽ സ്വീകരിക്കും. ശ്രീകുമാരഗുരു മണ്ഡപത്തിലും തിരുകുടിലിലും എത്തുന്ന പദയാത്രകൾ വിശുദ്ധമണ്ഡപത്തിൽ പ്രത്യേക പ്രാർഥന നടത്തും. തുടർന്ന് ഉപവാസ ഗാനാലാപനവും ധ്യാനയോഗവും ആത്്മീയ പ്രഭാഷണങ്ങളും നടത്തും. ശ്രീകുമാരഗുരു ദേഹവിയോഗം സംഭവിച്ച തിരുകുടിലിൽ 29ന് പുലർച്ച 5.30ന് അനുസ്മരണ പ്രാർഥന സഭ പ്രസിഡൻറ് വൈ. സദാശിവ​െൻറ കാർമികത്വത്തിൽ നടക്കും. പൊയ്ക തീർഥാടകരും സഭാജനങ്ങളും പ്രാർഥനയിൽ പങ്കെടുക്കും. രാവിലെ എട്ടിന് വിശുദ്ധമണ്ഡപത്തിൽ വൈ. സദാശിവൻ, ഗുരുകുല േശ്രഷ്ഠൻ എം. ഭാസ്കരൻ എന്നിവർ ആത്്മീയ പ്രഭാഷണം നടത്തും. ഇതോടെ 15 ദിവസം സംസ്ഥാന വ്യാപകമായി ശാഖകളിലും ഭവനങ്ങളിലും നടന്നുവന്ന ഉപവാസധ്യാനം സമാപിക്കും.