മകനെ കൊലപ്പെടുത്തിയ കേസിൽ പിതാവിനെ വെറുതെവിട്ടു

മകനെ കൊലപ്പെടുത്തിയ കേസിൽ പിതാവിനെ വെറുതെവിട്ടു കോട്ടയം: മകനെ കൊലപ്പെടുത്തിയെന്ന കേസിൽ പ്രതിയായ പിതാവിനെ വെറുതെവിട്ടു. കൂട്ടിക്കൽ കല്ലുപുരക്കൽ അബ്ദുൽ കരീമിനെയാണ് കോട്ടയം അഡീഷനൽ സെഷൻസ് കോടതി വെറുതെവിട്ടത്. മദ്യത്തിനും മയക്കുമരുന്നിനും അടിമയായ മകൻ നവാസി​െൻറ ശല്യത്തിൽ ഗത്യന്തരമില്ലാതെ 2013 ജനുവരി 10ന് കൂട്ടിക്കലിലെ വാടകവീട്ടിൽവെച്ച് കഴുത്തിൽ ഷാൾ മുറുക്കി കൊലപ്പെടുത്തിയെന്നായിരുന്നു പ്രോസിക്യൂഷൻ കേസ്. പ്രതിക്കുവേണ്ടി അഡ്വ. മുഹമ്മദ് ഹാരിസ്, അഡ്വ.ആസിഫ്, അഡ്വ.വിവേക് എന്നിവർ ഹാജരായി.