ഫേസ്​ബുക്കിൽ യുവതിക്ക് അശ്ലീല കമൻറുകളയച്ചയാൾക്കെതിരെ കേസെടുത്തു

കടുത്തുരുത്തി: ഫേസ്ബുക്കിലൂടെ യുവതിക്ക് അശ്ലീലം കലർന്ന കമൻറ് അയച്ചയാൾക്കെതിരെ പൊലീസ് കേസെടുത്തു. റെയിൽവേ ജീവനക്കാരിയായ കടുത്തുരുത്തി കപിക്കാട് സ്വദേശിയായ 33കാരിയുടെ പരാതിയിലാണ് ആലുവക്കാരനായ നാരായണൻകുട്ടിക്കെതിരെ (48) കടുത്തുരുത്തി പൊലീസ് കേസെടുത്തത്. ദിവസങ്ങളായി ഫേസ്ബുക്കിലൂടെ ഇയാൾ അശ്ലീലം കലർന്ന സന്ദേശങ്ങൾ അയച്ചതോടെ യുവതി ഇയാളെ താക്കീത് ചെയ്തിരുന്നു. ഇയാൾ വീണ്ടും ഇത്തരത്തിലുള്ള കമൻറ് അയച്ചതോടെ യുവതി പൊലീസിൽ പരാതി നൽകുകയായിരുന്നു.