എൻജിനീയറിങ്​ റാങ്ക്​ പട്ടിക; യോഗ്യതാ പരീക്ഷയുടെ മാർക്ക്​ ഇന്ന്​ കൂടി സമർപ്പിക്കാം

തിരുവനന്തപുരം: 2017ലെ എൻജിനീയറിങ് റാങ്ക് ലിസ്റ്റ് തയാറാക്കുന്നതിലേക്കായി എൻജിനീയറിങ് പ്രവേശനപ്പരീക്ഷയിൽ യോഗ്യത നേടിയ വിദ്യാർഥികൾക്ക് അവരുടെ രണ്ടാം വർഷ യോഗ്യതാ പരീക്ഷയിൽ (പ്ലസ് ടു/തത്തുല്യം) നിശ്ചിത വിഷയങ്ങൾക്ക് ലഭിച്ച മാർക്ക് ഓൺലൈനായി നൽകുന്നതിനുള്ള സൗകര്യം www.cee.kerala.gov.in എന്ന വെബ്സൈറ്റിൽ ലഭ്യമാണ്. മാർക്ക് (ഓൺലൈനായി) സമർപ്പിക്കുന്നതിനുള്ള സൗകര്യം വ്യാഴാഴ്ച വൈകീട്ട് നാല് വരെ ലഭ്യമാക്കും. മാർക്ക് സമർപ്പണത്തിനുളള നിർദേശങ്ങൾ അടങ്ങുന്ന മേയ് 26 ലെ ഓഫിസ് വിജ്ഞാപനം വെബ്സൈറ്റിൽ ലഭ്യമാക്കിയിട്ടുണ്ട്.