കുറ്റക്കാരനെന്ന് തെളിയുന്നതുവരെ വിൻസെൻറിനെതിരെ നടപടിയില്ല -^ഹസൻ

കുറ്റക്കാരനെന്ന് തെളിയുന്നതുവരെ വിൻസ​െൻറിനെതിരെ നടപടിയില്ല --ഹസൻ തൊടുപുഴ: എം. വിൻെസൻറ് എം.എൽ.എയുടെ അറസ്റ്റ് രാഷ്ട്രീയപ്രേരിതമാണെന്നും കോടതി കുറ്റക്കാരനാണെന്ന് കണ്ടെത്തുന്നതുവരെ പാർട്ടി നടപടി ഉണ്ടാകില്ലെന്നും കെ.പി.സി.സി പ്രസിഡൻറ് എം.എം. ഹസൻ. തൊടുപുഴക്ക് സമീപം വണ്ണപ്പുറത്ത് നടന്ന കുടുംബസംഗമത്തിൽ പങ്കെടുത്ത ശേഷം മാധ്യമപ്രവർത്തകരോട് പ്രതികരിക്കുകയായിരുന്നു അദ്ദേഹം. എം.എൽ.എക്കെതിരെ കേസെടുത്തിരിക്കുന്നത് രാഷ്ട്രീയ ഇടപെടൽ കൊണ്ടാണ്. ആരോപണം ഉന്നയിച്ച യുവതിയെ മാനസികമായോ ശാരീകമായോ പീഡിപ്പിച്ചിട്ടില്ലെന്ന് വിൻസൻറ് പാർട്ടിക്ക് വിശദീകരണം നൽകിയിട്ടുണ്ട്. ആർക്കും അഭിപ്രായ സ്വാതന്ത്രമുള്ള പാർട്ടിയാണ് കോൺഗ്രസ്. വനിത നേതാക്കൾക്ക് അവരുടെ അഭിപ്രായം പറയാമെന്നും ഹസ്സൻ പറഞ്ഞു.