ചന്ദനമരങ്ങൾ മുറിച്ചുകടത്തി

മറയൂർ: സ്വകാര്യ ഭൂമിയിൽനിന്ന് രണ്ടു ചന്ദനമരം മുറിച്ചുകടത്തി. തിങ്കളാഴ്ച രാത്രി പട്ടം കോളനിയിൽ അജി നിവാസിൽ പ്രജിത്തി​െൻറ വീടിനോട് ചേർന്ന് നിന്നിരുന്ന രണ്ടു വലിയ മരമാണ് മുറിച്ചുകടത്തിയത്. രാത്രി ഒന്നോടെ എന്തോ ശബ്ദം കേട്ടെങ്കിലും കാട്ടാനയാണെന്ന് കരുതി ഭയന്ന് പുറത്തിറങ്ങാൻ മടിച്ചു. രാവിലെ എഴുന്നേറ്റപ്പോഴാണ് ചന്ദനമരം മോഷണം പോയതറിഞ്ഞത്. വില്ലേജ് ഓഫിസിലും പൊലീസിലും വനംവകുപ്പിലും പരാതി നൽകി. വനപാലകരും പൊലീസും സ്ഥലത്തെത്തി പരിശോധന നടത്തി. ലക്ഷങ്ങൾ വിലമതിക്കുന്ന ചന്ദനമരങ്ങളാണ് മോഷ്ടിക്കപ്പെട്ടത്.