പൊയ്​കയിൽ ​ശ്രീകുമാരഗുരു ദേഹവിയോഗ വാർഷികം ആചരിച്ചു

തിരുവല്ല: പൊയ്കയിൽ ശ്രീകുമാരഗുരു ദേഹവിയോഗത്തി​െൻറ 78ാം വാർഷികം പ്രത്യക്ഷ രക്ഷ ദൈവസഭ ആചരിച്ചു. വിവിധ ഭാഗങ്ങളിൽനിന്ന് ശ്രീകുമാരഗുരു മണ്ഡപത്തിലെത്തിയ പദയാത്രക്കാരെ ഇരവിപേരൂർ ജങ്ഷനിൽ സഭ നേതൃത്വം സ്വീകരിച്ചു. സ്വീകരണ സമ്മേളനം ഗുരുകുല ഉപശ്രേഷ്ഠൻ എം. ഭാസ്കരൻ ഉദ്ഘാടനം ചെയ്തു. ജനറൽ സെക്രട്ടറി സി.കെ. നാരായണൻ, ജോയൻറ് സെക്രട്ടറി കെ.ടി. വിജയൻ, ഗുരുകുല സമിതി അംഗങ്ങളായ കെ.സി. വിജയൻ, മണി മഞ്ചാരിക്കടി, ഹൈകൗൺസിൽ അംഗം ചന്ദ്രബാബു കൈനകരി, മേഖല ഉപദേഷ്ടാവ് ഒ.ഡി. വിജയൻ തുടങ്ങിയവർ സംസാരിച്ചു. പ്രത്യേക പ്രാർഥനയും ആത്മീയ യോഗവും നടന്നു. ഗുരുവി​െൻറ ദേഹവിയോഗ സമയമായ പുലർച്ചെ 5.30ന് സഭ പ്രസിഡൻറ് വൈ. സദാശിവ​െൻറ കാർമികത്വത്തിൽ തിരുക്കുടിലിൽ നടന്ന പ്രത്യേക പ്രാർഥനയിൽ ആയിരങ്ങൾ പെങ്കടുത്തു. തുടർന്ന് മണ്ഡപത്തിൽ സഭ പ്രസിഡൻറ് വൈ. സദാശിവൻ, ഗുരുകുല ഉപശ്രേഷ്ഠൻ എം. ഭാസ്കരൻ എന്നിവർ പ്രഭാഷണം നടത്തി.