സെലിബ്രിറ്റി ക്രിക്കറ്റ്​: താരങ്ങൾ അവസാനവട്ട പരിശീലത്തിൽ

തൊടുപുഴ: ഹൈദരാബാദിൽ നടക്കുന്ന സെലിബ്രിറ്റി ക്രിക്കറ്റ്‌ ലീഗ് മത്സരത്തിനു മുന്നോടിയായി അമ്മ കേരള സ്‌ട്രൈക്കേഴ്‌സ് താരങ്ങൾ പരിശീലനത്തിൽ. കേരള ക്രിക്കറ്റ് അസോസിയേഷ​െൻറ തൊടുപുഴ തെക്കുംഭാഗത്തെ സ്റ്റേഡിയത്തിലാണ് ചൊവ്വാഴ്ച മുതൽ യുവസിനിമ താരങ്ങൾ പരിശീലനം ആരംഭിച്ചത്. 24, 25 തീയതികളിലാണ് ഹൈദരാബാദിൽ ആറ് ഭാഷകളിലെ താരങ്ങൾ ക്രിക്കറ്റ് മത്സരത്തിനിറങ്ങുന്നത്. അവസാനവട്ട പരിശീലനം ബുധനാഴ്ചയും തുടരും. ബുധനാഴ്ചയാണ് ടീം സെലക്ഷൻ. ബാല, റിയാസ്ഖാൻ, പ്രജോദ് കലാഭവൻ തുടങ്ങി പതിനഞ്ചോളം പേർ തെക്കുംഭാഗത്ത് പരിശീലനത്തിനെത്തി. ഏതാനും താരങ്ങൾ കൂടി ബുധനാഴ്ച എത്തും. 23ന് രാവിലെയാണ് ടീം ഹൈദരബാദിലേക്ക് തിരിക്കുന്നത്.